Հոկտեմբերի 25-ին տեղի ունեցավ Քընալըադայի ժամանակակից կառույցների վերաբերյալ «Իշխանաց կղզիներ». ժամանակակից ճարտարապետության հիշողություն» շրջայցը, որը համատեղ կազմակերպվել էր «Դյունյա Միրասը Ադալար» հարթակի և «ՀԱՅՃԱՐ» ճարտարապետների և ինժեներների ասոցիացիայի կողմից: Որպես զեկուցողներ՝ շրջայցին էին միացել «ՀԱՅՃԱՐ» ասոցիացիայից ճարտարապետության պատմաբան Զաֆեր Աքայը, արվեստի պատմաբան դոկտոր Էլմոն Քարսարվանեան Հանչերը, ճարտարապետ Ջան Գավրիլոֆը և Ատոմ Շաշկալը՝ Հրանտ Դինք հիմնադրամից: Միջոցառման ընթացքում ներկայացվեցին տարբեր կառույցների պատմություններ, որոնք արտացոլում են կղզու բազմամշակութային կյանքը: Այս տեղեկատվությունը հասանելի է Հրանտ Դինք հիմնադրամի կողմից մշակված «ՔարԴես» բազմամշակութային հիշողության զբոսաշրջային ուղեցույցի հեռախոսային հավելվածում՝ «Քընալըադա. Հյուսիսային և հարավային շրջայցեր» բաժնում:

Թուրքերենով և անգլերենով ներկայացված անհատական զբոսաշրջային ուղեցույցը՝ «ՔարԴես» բազմամշակութային հիշողության զբոսաշրջային ուղեցույցը, անվճար կարելի է ներբեռնել «Appstore»-ից և «Playstore»-ից: «ՔարԴես»-ը կարող եք ներբեռնել այստեղից: