Դիրեքլերարասըում թատերական նոր շրջայցի շնորհիվ «ՔարԴես»-ն իր օգտատերերին տանում է դեպի Շեհզադեբաշըի ժամանակաշրջանի արվեստի և մշակույթի պատմություն և հնարավորություն տալիս բացահայտելու ժամանակի նշանավոր թատրոնները: Այս շրջայցի ընթացքում դուք կարող եք ականատես լինել Դիրեքլերարասըի հին թատրոնի շենքերի և ժամանակի հայտնի թատերախմբերի պատմություններին: Դիրեքլերարասըն Ռամադանի տոնակատարությունների և թուլուաթի ամենակարևոր կենտրոններից էր (ուշ օսմանյան հանրաճանաչ իմպրովիզացիոն թատրոն): Դիրեքլերարասըի թատերական շրջայցը լույս է սփռում Ստամբուլի Սուրիչի թաղամասի «Գեդիքփաշա թատրոնի» և Թուրքիայի առաջին օպերային կոմպոզիտոր Տիգրան Չուխաջյանի և այդ ժամանակաշրջանի ժամանցի և մշակութային կյանքի վրա: «ՔարԴես»-ը հարստացնելով իր թեմատիկ շրջայցերի շրջանակը՝ իր օգտվողներին է ներկայացնում Դիրեքլերարասըի մշակութային կառուցվածքի փոփոխության և վերափոխման պատմությունը: Դուք կարող եք բացահայտել Դիրեքլերարասըի թատրոնների անցյալը՝ քայլելով Շեհզադեբաշըի փողոցով, կամ առանց ձեր տնից դուրս գալու՝ հետևելով Գև Օրքյանի ձայնին:

Թուրքերենով և անգլերենով ներկայացված անհատական զբոսաշրջային ուղեցույցը՝ «ՔարԴես» բազմամշակութային հիշողության զբոսաշրջային ուղեցույցը, անվճար կարելի է ներբեռնել «Appstore»-ից և «Playstore»-ից: «ՔարԴես»-ը կարող եք ներբեռնել այստեղից: