Ամիրա Հասսը ծնվել է Երուսաղեմում 1956 թ.։ Հոլոքոսթը վերապրած ու իրեն մինչև կյանքի վերջը սատարած կոմունիստ ծնողների (մայրը՝ Յուգոսլավիայից, հայրը՝ Ռումինիայից) միակ դուստրն է։ Երբ հարցնում են, Ամիրան պատմում է, որ սովորական ընտանիքից չի սերում, այսինքն՝ ոչ մի տարօրինակ կամ ըմբոստ կամ հանդուգն բան չի արել՝ տեղափոխվելով ապրելու պաղեստինցիների հետ կամ գրելով Իսրայելի քաղաքականությունների դեմ։ 

Բազմակի անգամներ ձախողելով ուսումը շարունակել է համալսարանի պատմության բաժնում, 1989 թ․ Հասսը սկսում է աշխատել իսրայելական «Հաարեց» օրաթերթում՝ սկզբում իբրև սրբագրիչ-խմբագիր, այնուհետև իբրև լրագրող։ 1993 թ․ վերջերից ի վեր նա գրում է պաղեստինյան օկուպացված տարածքների թեմաներով։ Նույն ժամանակաշրջանում տեղափոխվեց ապրելու Գազայում, իսկ 1997 թ․՝ Արևմտյան Ափ՝ Ռամալլահ, ուր բնակվում է մինչ օրս։ 

Ամիրա Հասսը հեղինակ է մեկ գրքի ու հոդվածների երկու ժողովածուի։ «Խմելով ծովը Գազայում․ օրերն ու գիշերները պաշարված հողում» գիրքը (հրատարակիչ՝ Հենրի Հոլթ, 2000 թ․, ԱՄՆ) թարգմանվել է մի քանի լեզուներով։ «Լրագրություն Ռամալլահից» ժողովածուն (հրատարակիչ՝ Semiotext, 2003 թ․, անգլերեն ու այլ լեզուներով) «Հաարեց»-ում 1997-2002 թթ․ տպագրված հոդվածների ժողովածուն է, իսկ «Domani Andra Peggio»-ն («Վաղը ավելի վատ կլինի», իտալերեն ու գերմաներեն) հիմնված է իտալական «Internazionale» թերթում հրապարակված իր սյունակների վրա։ 

Երբ իրեն հարցնում են, Հասսն ասում է, որ «պաղեստինցիների» փորձագետ չէ, նման հավակնություն ունենալու համար, շատ ավելին է պետք իմանալ մի ամբողջ ժողովրդի մասին, բայց ինքը լավ գիտի իսրայելական օկուպացիայի մասին։ Ավելին, քան որևէ այլ լրագրող՝ լինի նա իսրայելցի, պաղեստինցի թե արտասահմանցի, Հասսը խորացել է Իսրայելի կողմից տեղաշարժման սահմանափակումների իսրայելական sui generis (յուրօրինակ) համակարգի մեջ։ Նա հույս ունի ավարտին հասցնել պաղեստինցիներից տեղաշարժման իրենց իրավունքից զրկող՝ Անցաթղթային համակարգի ներդրման մասին իր գիրքը։

Ամիրա Հասսի մայրը Բերգեն-Բելսենի համակենտրոնացման ճամբարում օրագիր է պահել։ Թեև նախկինում օրագիրը մի քանի անգամ տպագրվել էր, այն վերջերս վերահրատարակվեց ԱՄՆ-ում գործող ձախական հրատարակչատան՝ Haymarket Books-ի կողմից։ Գրքում զետեղված են նաև Հասսի երկու էսսեներն իր մոր ու հոր կյանքի մասին, ինչպես նաև երիտասարդ յուգոսլավ-հրեա գիտնականի՝ Էմիլ Քերենջիի պատմական ակնարկը։